Du benytter en utdatert nettleser som Vinmonopolet.no ikke lenger støtter

Vennligst last ned en av følgende oppdaterte, gratis og gode nettlesere:

Vi ønsker deg velkommen igjen.

Drikke til gravlaks med dillstua poteter

gravlaks-med-dillstuede-poteter-GettyImages-517617251-artikkel2.jpg

Delikat, feit fisk og smaksrik sennepssaus gjer seg godt saman med ei fersk og fruktig drikke. Anten du vel å servere gravlaksen som ein eigen rett som her, eller om du har han som ein del av eit kaldtbord, kan du bruke desse drikketipsa.

Tekst:
Vinmonopolet

foto

Foto:
Getty Images

Kvitvin

Det mest openberre valet til ein slik rett er kvitvin. Ein god kvitvin som er frisk og har ei tydeleg fruktigheit, vil gjere kombinasjonen lett og livleg. Litt søtleik kan vere godt så lenge det er nok friskleik i vinen. Prøv for eksempel ein Riesling frå Mosel. Silvaner er ei anna drue som er vanleg i Tyskland. Den har ofte eit litt urteaktig preg. Det er med på å forsterke dillpreget i retten. Vel du ein vin med mindre tydeleg fruktigheit, for eksempel ein Muscadet frå Loire, kan det òg vere spennande. Her er det meir enn nok friskleik, og aromaene er med på å forsterke smaken av fisken.
 

Rosévin

Det er ikkje nødvendig å drikke rosa vin til rosa fisk, men det kan vere godt. Rosévinar frå Piemonte har ofte den tydelege fruktigheita og nok friskleik som gir ein fin kontrast til fisken og livar opp kombinasjonen. 
 

Øl

Øl kan òg vere fruktige. Lyse øl som wit eller saison bidreg med lyse og lette aromaer som passar godt til retten og verkar leskande. Styr unna øl med for mykje bitterheit, dei kan fort bli for dominerande. 
 

Alkoholfritt

Eit alkoholfritt kveiteøl er like godt til maten som eit kveiteøl med alkohol. Eit spennande val kan òg vere ein eplemost med bobler som er smaksett med rabarbra. Det gir ein ekstra friskleik og nesten urteaktig fruktigheit som passar til både fisken og dillaromaen.