Khao soi - thai kyllingkarri
Denne klassiske kyllingkarrien fra Chiang Mai i Thailand er smaksrik, men ikkje sterk.
Tekst: Anne EnggravOppskrift: Andreas Ingul - Kokk og butikkekspeditør
Dei fleste ingrediensane du treng til denne oppskriften er ganske greie å finne, i alle fall om du bur i nærleiken av ein asiatisk matbutikk. Sjølv vanlege daglegvarekjeder har etter kvart eit brukbart utval.
Drikke til khao soi
Retten er smaksrik, men ikkje sterk. Til det djupe krydderpreget passar drikke med meir enn berre fersk fruktigheit. Tilstrekkeleg konsentrasjon gjer at drikken ikkje verkar syrleg og spinkel.
- Oransjevin med tydelege skalpreg – blomstertonar, balsam og aprikosfrukt.
- Kvitvin med preg av gjærrestar eller litt fat.
- Avkjølt, ung raudvin med modent fruktpreg frå eit varmt klima som Libanon eller Sør-Frankrike.
- Klassisk IPA med litt bitterheit frå ein ikkje for aromatisk humlesort eller fransk sider med modent eplepreg og fermenteringsaroma.
- Alkoholfri kombucha med gjæringspreg og friskleik. Fyldig, rund eplemost med moden fruktaroma.
Les ogsåDrikke til thaimat
Khao soi (kyllingkarri frå Nord-Thailand)
Porsjoner: 4
Khao soi (kyllingkarri)
- 4 kyllinglår
- 1 karripasta (sjå oppskrift under)
- 1 ts palmesukker (eller vanleg sukker)
- 1/2 boks kokoskrem
- 3 dl kyllingkraft
- 2 ss mørk soya
- 2 ss lys soya
- 1 handfull ferske eller tørka (kinesiske) eggnudlar
- 3 vårlaukar, finkutta
- 1 handfull fersk koriander
- litt nøytral olje
- salt
Del kyllinglåra i to i leddet. Salt kyllingen og brun skinnet til det får ein gyllen farge. Ta kyllingen ut av panna og tilset karripasta med litt olje og kokoskrem. Kok inn til kokoskremen begynner å skilje seg, mens du rører i panna. Ha i kylling og kraft og kok i 20–30 minutt til kyllingen er mør. Ha i vårlauk mot slutten.
Kok opp vatn, og kok nudlane slik det står på pakka.
Legg opp nudlane først, så kyllingkarri, vårlauk og friterte nudlar (sjå oppskrift under) på toppen. Kan til dømes serverast med sylta kål, finkutta sjalottlauk, bønnespirer og lime.
Friterte nudlar
- 5 dl solsikkeolje
- 1 stor neve ferske nudlar (eller tørka)
Del opp risnudlane i mindre bitar / i mindre porsjonar, og varm opp oljen i ei wokpanne til om lag 190 °C. Fritter risnudlane porsjonsvis i oljen i nokre få sekund, til dei sveller og blir kvite og sprø. Lat fettet dryppe av nudlane på eit tørkepapir, og hald dei varme.
Gul karripasta
- 3 store raude chiliar utan frø
- 2 sjalottlaukar, grovkutta
- 1 ts korianderfrø, rista
- 2 fedd finkutta kvitlauk
- 2 cm finkutta gurkemeie
- 2 cm finkutta ingefær
- 3 finkutta korianderrøter
Køyr alt til ein glatt pasta i ei kjøkkenmaskin eller ein mortar.
Hvordan kommer vi frem til drikkeanbefalingene?
I Vinmonopolet er vi opptatt av førstehåndskunnskap. Våre drikkeanbefalinger er basert på systematiske smakinger med vårt ekspertpanel. Vi smaker mange ulike drikker til hver rett for å finne de beste kombinasjonene.
Hvorfor lenker vi ikke til produkter i anbefalingene?
Vi er begrenset av alkoholreklameforbudet og likebehandlingsprinsippet, og vil derfor ikke anbefale konkrete produkter. I stedet viser vi til stiler og egenskaper i ulike produktgrupper som du skal kunne søke og filtrere deg frem til i nettbutikken. Dette gjør tipsene relevante selv om enkeltstående produkter går ut av sortimentet.
Først publisert i Vinbladet 2021-3 (pdf, 3.4 MB)Sist oppdatert: